Cyfeirnodi yn arddull APA (7fed arg.) (Ar-lein)

Mae dod o hyd i wybodaeth ar y rhyngrwyd yn hawdd, ond mae dod o hyd i wybodaeth sydd o safon dda ac sy’n ddibynadwy yn anoddach nag y byddwch yn ei ddisgwyl. Cyn i chi ddefnyddio unrhyw adnodd o’r rhyngrwyd ar gyfer eich aseiniad dylech chi ofyn i’ch hun “A yw’r dudalen we hon gystal â’r wybodaeth y byddwch chi’n dod o hyd iddi mewn llyfr neu gyfnodolyn academaidd?”

Dylech chi wirio bod y wybodaeth yn ddibynadwy ac yn gywir.
Dylech wirio:

• Pwy ysgrifennodd y wybodaeth? A ydynt yn meddu ar y cymwysterau priodol? A ydynt wedi ysgrifennu deunydd arall ar y pwnc? A ydynt yn dangos rhagfarn?
• Pryd gafodd y wybodaeth ei chyhoeddi? A yw’n ddigon cyfoes ar gyfer eich anghenion chi?
• Pam cafodd y dudalen ei gosod ar y we? A yw’n gwerthu neu’n hyrwyddo rhywbeth? A yw’n rhagfarnllyd?

Enghraifft:

Mae'r World Health Organization (2022) yn nodi bod...
NEU
...(World Health Organization, 2022).

Cyfenw, Llythyren/Llythrennau blaen neu Awdur Grŵp. (Blwyddyn, Mis Dydd). Teitl. Enw'r wefan. URL

Enghraifft:

Gallagher, J. (2020, Awst 4). Testing and tracing 'key to schools returning', scientists say. BBC News. https://www.bbc.co.uk/news/health-53638083 

World Health Organization. (2022, Hydref 1). Ageing and health. https://www.who.int/news-room/fact-sheets/detail/ageing-and-health

DS: Pan fydd yr awdur ac enw'r wefan yr un peth, hepgor enw'r wefan er mwyn osgoi ailadrodd.