Dydd Mawrth 9.15yb-4.15yp
Dydd Mercher 9.15yb-4.15yp
Dydd Iau 9.15yb-4.15yp
Rhaid trefnu apwyntiad ymlaen llaw i ymweld â'r Archifau. Rydym yn gofyn i ddarllenwyr roi manylion am y deunyddiau y maent am eu defnyddio o leiaf dri diwrnod gwaith cyn ymweld. Mae'r Swyddfa Archifau ar agor o ddydd Llun i ddydd Gwener ar gyfer ymholiadau cyffredinol.
Lleoliad: Llyfrgell Parc Singleton
Mae Archifau wedi’i leoli ar lefel 1 (Gorllewin) o Lyfrgell Parc Singleton ar Gampws Singleton, Prifysgol Abertawe (adeilad 7, Map 4 ar gynllun y campws).
Os na allwch ddod o hyd i ni, gofynnwch wrth y ddesg diogelwch a bydd un o'n tîm yn dod i gwrdd â chi.
Rydym am i chi fwynhau'r profiad o ddefnyddio deunydd archifol unigryw. P'un a yw'n weithred o'r 15fed ganrif ar femrwn neu lun o'r 1980au, mae angen eu trin yn ofalus. Gall rhai fod yn fregus iawn. Os caiff rhywbeth ei ddifrodi mae'n anodd iawn (ac weithiau'n amhosibl) ei drwsio. Dydy prynu un newydd ddim yn opsiwn!
Mae'r dogfennau hyn hefyd yn rhai gwreiddiol; fel ymchwilydd mae angen i chi fod â’r sicrwydd nad ydynt wedi cael eu newid neu wedi eu diwygio drwy dwyll yn ystod eu hamser yn yr archifau.
Mae angen eich help arnom i ofalu am y deunyddiau hyn er mwyn eu diogelu, eu cynnal a'u cadw'n hygyrch ar gyfer cenedlaethau o ymchwilwyr y dyfodol. Dyma pam mae gan bob ystafell ddarllen yn Archifau set o reolau am sut i weithio gyda deunydd archifol, a gallwch ddod o hyd i'n rhai ni ar y ddolen isod.
Mae Archifau Richard Burton yn rhan o Gynllun Cerdyn Archifau y Gymdeithas Archifau a Chofnodion (ARA) a bydd yn rhaid i ymwelwyr wneud cais am gerdyn er mwyn gweld deunydd yr archif. Mae’r cynllun yn rhoi mynediad i chi at bob archif ledled y DU sy’n rhan o’r cynllun.
Os ydych chi eisoes wedi cofrestru gyda chynllun tocyn darllen Archifau Cymru, sylwer bod hyn wedi cau ac y bydd yn rhaid i chi wneud cais am Gerdyn Archifau hefyd.
I arbed amser wrth gyrraedd, rydym yn argymell eich bod chi’n dechrau’r broses gofrestru ar-lein cyn eich ymweliad. Os ydych chi eisoes wedi derbyn cerdyn gan wasanaeth arall sy’n cymryd rhan, dewch â’r cerdyn gyda chi pan fyddwch yn ymweld.
Ar gyfer ffotograffiaeth hunan-wasanaeth, gellir defnyddio camera digidol bach, llechen, neu ffôn symudol gan lynu wrth y Canllawiau Ffotograffiaeth Hunanwasanaeth.
Mae gennym wasanaeth reprograffeg. Bydd gofyn i chi lenwi ffurflen sy'n cynnwys rhif cyfeirnod yr eitem(au) yr hoffech gael copi ohoni ynghyd â datganiad am hawlfraint.
Gallwn fel arfer ddarparu copïau ar gyfer astudiaethau preifat ac ymchwil anfasnachol. Fodd bynnag, cofiwch, os ydych yn bwriadu cyhoeddi (gan gynnwys ar wefannau, cyfryngau cymdeithasol ac ati), byddai'n rhaid i ni edrych i mewn i'r hawlfraint.
Y gost gyfredol o lungopïo at ddibenion anfasnachol/astudio preifat yw £0.35 y ddalen (A4/A3), ynghyd â TAW (at ddibenion addysgol ni chodir TAW arnoch).
Gall cais o’r fath gymryd ychydig wythnosau i'w baratoi, yn enwedig os yw'r dogfennau'n arbennig o fregus, neu os yw'r sefyllfa hawlfraint yn gymhleth. O ganlyniad, ceisiwch gynllunio a chyflwyno unrhyw geisiadau llungopïo cyn gynted â phosibl yn ystod neu ar ôl eich ymweliad â'r archifau er mwyn rhoi amser i ni ddelio â nhw cyn eich terfyn amser.
Ar hyn o bryd, dydyn ni ddim yn cynnal rhaglen ffurfiol o gyfleoedd gwirfoddoli. Weithiau, mae gennym gyfleoedd gwaith ad hoc i fyfyrwyr ar gyfer rhai prosiectau. Byddai'r rhain yn cael eu hysbysebu trwy ein tudalen Twitter @SwanUniArchives neu wefan Academi Cyflogadwyedd Abertawe.
Byddem yn hapus iawn i wneud apwyntiad i chi ymweld â’r archifau. Gallwn roi taith tu ôl i'r llenni i chi ac egluro'r math o waith rydym yn ei wneud, i roi cipolwg i chi ar yrfa fel archifydd.
I gael rhagor o wybodaeth am ble i chwilio am gyfleoedd gwirfoddoli, mae'r Gymdeithas Archifau a Chofnodion wedi cynhyrchu canllaw defnyddiol.
Edrychwch ar ein canllaw i’n casgliadau yma
Dyma restr o'n catalogau-
* Does gennym ni ddim prawf bod hyn yn gweithio ond mae'n werth ystyried!
Gallwn, byddem wrth ein boddau! Os oes gennych eisoes syniadau o’r pwnc yr hoffech ysgrifennu amdano, anfonwch e-bost atom i archives@abertawe.ac.uk a byddwn yn cysylltu â chi gyda rhestrau o ffynonellau (neu awgrymiadau o ffynonellau sydd ar gael mewn lleoliadau eraill os nad oes gennym unrhyw beth sy'n berthnasol).
I gael syniadau o bynciau traethawd posibl nawr, edrychwch ar ein tab Syniadau Ymchwil neu’r tab Ein casgliadau. Efallai y byddan nhw'n tanio ychydig o ysbrydoliaeth!
Mae'n werth ystyried eich lleoliad a'r cyfleoedd sydd ar gael i chi wrth ddewis pwnc traethawd. A yw eich pwnc yn gofyn i chi deithio dramor? Oes gennych chi'r amser a'r cyllid i wneud hyn? Os gallwch ddewis pwnc lle mae'r prif ffynonellau ar eich stepen drws yn lle, bydd trefnu eich ymchwil llawer yn haws i chi.
