iFind Reading

Rhaid cyflwyno pob cais i brynu llyfrau er mwyn cefnogi addysgu drwy iFind Reading.

Cam 1: Sicrhewch fod rhestr ddarllen ar gael ar gyfer y modiwl

• Os nad oes rhestr ddarllen ar gael ar gyfer y modiwl ar hyn o bryd, bydd angen creu un. · Mae cyfarwyddiadau ar gael yng Nghanllaw iFind Reading y Llyfrgell.
• Wrth drawsnewid i'r broses newydd hon, efallai gall eich Tîm Cymorth Academaidd eich cynorthwyo wrth greu eich rhestr ddarllen.

Cam 2: Gwiriwch os ydy'r llyfr eisoes ar gael

• Yn rhestr ddarllen y modiwl, cliciwch '+Add' a dewiswch 'Search the Library'.
• Chwiliwch am y llyfr:
  • Os ydy'r llyfr ar gael, cliciwch arno a'i lusgo i'ch rhestr ddarllen. Nid oes angen cymryd unrhyw gamau gweithredu pellach.
  • Os nad yw'r llyfr ar gael, ewch i'r cam nesaf.

Cam 3: Ychwanegu a thagio'r llyfr

• Ychwanegwch y llyfr drwy greu cofnod â llaw neu gan ddefnyddio'r teclyn 'Cite It'. · Mae cyfarwyddiadau ar gael yng Nghanllaw iFind Reading y Llyfrgell neu gwyliwch y fideo hwn
• Wrth ychwanegu llyfr nad yw'r llyfrgell eisoes yn meddu arno, bydd angen i chi dagio'r eitem:
  • Tagiwch yr eitem fel eitem 'Essential - suggested for purchase' neu 'Recommended - suggested for purchase'. Gweler sut i wneud hyn ar y fideo byr hwn
  • Dim ond staff sy'n medru gweld y tagiau hyn, nid yw myfyrwyr yn medru eu gweld.

Cam 4: Beth sy'n digwydd nesaf

• Bydd Llyfrgelloedd a Chasgliadau yn ceisio prynu fersiwn eLyfr o'r adnodd sydd wedi cael ei dagio.
• Bydd copi caled ond yn cael ei brynu os nad oes eLyfr ar gael neu os ydy'r eLyfr yn ddrud iawn.
• Bydd statws y tag yn cael ei ddiweddaru i 'Purchase in progress by library'.
• Pan fydd y llyfr ar gael:
  • Byddwch chi'n derbyn hysbysiad dros e-bost.
  • Bydd yr eitem ar eich rhestr ddarllen yn cael ei diweddaru gyda dolenni i'r adnodd neu'r daliadau.

Os na ellir prynu'r llyfr

• Bydd y Llyfrgell a Chasgliadau yn cysylltu â chi dros e-bost.
• Bydd yr e-bost yn cynnwys manylion cyswllt y Tîm Cymorth Academaidd, a fydd efallai'n medru eich helpu i archwilio opsiynau eraill.

C: Rydw i eisiau ychwanegu'r un llyfr at sawl rhestr ddarllen. Beth dylwn i ei wneud?

• Ychwanegwch yr eitem at bob rhestr ddarllen berthnasol, ond dim ond ar un restr y mae angen i chi dagio'r eitem er mwyn ei phrynu.
• Unwaith y caiff y llyfr ei brynu, bydd dolenni'n cael eu hychwanegu'n awtomatig at yr holl restrau darllen modiwlau sy'n cynnwys y llyfr hwnnw.
• Bydd Llyfrgelloedd a Chasgliadau yn monitro'r galw am y llyfr ac yn prynu trwyddedau neu gopïau ychwanegol yn ôl yr angen.

C: Rydw i eisiau argymell y dylai'r llyfrgell brynu copïau ychwanegol o lyfr. Beth dylwn i ei wneud?

• Mae Llyfrgelloedd a Chasgliadau yn monitro'r galw am yr holl lyfrau a pha mor aml y maent yn cael eu defnyddio a byddant yn archebu trwyddedau neu gopïau ychwanegol pan fo'n briodol.

C: Nid yw'r llyfr rydw i eisiau ei archebu ar gyfer rhestr ddarllen modiwl. Beth dylwn i ei wneud? 

• Cysylltwch â'ch Tîm Cymorth Academaidd gyda manylion y llyfr a'r rhesymau dros ei argymell.