Mae Llyfrgelloedd Prifysgol Abertawe yn eich croesawu i'n Canllaw i Gymorth Academaidd. Ynddo, gwelwch chi wybodaeth ar gyfer gwasanaethau a chefnogaeth allweddol, ynghyd â manylion cyswllt i gael rhagor o wybodaeth.
Mae gan Lyfrgelloedd Prifysgol Abertawe Lyfrgellwyr Cyfadran a Llyfrgellwyr Pwnc cymwysedig gan ddarparu ymgysylltu rhwng staff y Llyfrgell a myfyrwyr a chymorth ar gyfer anghenion dysgu, addysgu ac ymchwil y Brifysgol. Rydyn ni’n arbenigwyr mewn ymgorffori gwybodaeth a llythrennedd digidol yn y cwricwlwm a chynnig hyfforddiant pwrpasol ac 1 i 1 i fyfyrwyr a staff. Gallwn ni eich arwain chi o ran creu a chynnal a chadw eich rhestrau darllen a helpu i sicrhau bod y Llyfrgell yn caffael adnoddau priodol er mwyn gwella dysgu eich myfyrwyr.
Llyfrgellwyr Cyswllt Academaidd a Phwnc yw eich partneriaid wrth alluogi'ch myfyrwyr i gyflawni’r gorau y gallan nhw’n academaidd. Rydym hefyd yma i chi fel academydd, yn cefnogi'ch anghenion yn ystod eich llwybr gyrfa a'ch dilyniant ymchwil.