Skip to Main Content

Cyhoeddi Ymchwil Effeithiol: Ymchwil Agored a Mynediad Agored

This page is also available in English

Cytundebau Cyhoeddwyr Mynediad Agored Prifysgol Abertawe

Eicon clo clap oren heb ei gloi sy'n dynodi mynediad agored

JISC: Ein rôl ym mynediad agored

Mae Prifysgol Abertawe ar hyn o bryd yn tanysgrifio i ddetholiad o gytundebau cyhoeddi trawsnewidiol i hyrwyddo mynediad agored 'aur' mewn amrywiaeth eang o gyfnodolion. Hyrwyddir y cytundebau 'Darllen a Chyhoeddi' hyn gan JISC, y corff trafod sy'n cynrychioli sefydliadau ymchwil academaidd y DU ar ran y gwasanaeth llyfrgell.

  • Cyfnodolion hybrid: ni fydd rhaid i awduron gohebol gymwys sy'n cyflwyno erthyglau i'w cyhoeddi yng nghyfnodolion hybrid (tanysgrifiad a mynediad agored) drwy ddefnyddio'r cytundebau i dalu costau mynediad agored yn uniongyrchol.
  • Cyfnodolion hollol mynediad agored: lle nad yw cytundeb yn ymestyn i gyflenwi’r tâl prosesu erthygl (APC) yng nghyfnodolyn hollol mynediad agored, mae'r awdur yn talu. Cynigir rhai o'r cytundebau disgownt sefydliadol.
  • Gwiriwch fod fath eich erthygl a'ch cyfnodolyn penodol wedi’u cynnwys cyn i chi archebu'r llwybr cyhoeddi mynediad agored.
  • Ni chaiff costau ychwanegol (costau lliw, ffioedd tudalennau ychwanegol, ffioedd cyflwyno a.y.b.) eu cynnwys, a rhaid i'r awdur talu'r rhain.

Os nad oes gennym gytundeb gweithredol gyda chyhoeddwr, fydd rhaid cwrdd â chostau mynediad agored drwy ffynhonnell cyllid arall.

  • Gall awduron UKRI wneud cais am gymorth ariannol drwy'r ffurflen gais grant bloc mynediad agored UKRI ar gyfer cyfnodolion hollol mynediad agored nad ydynt wedi'u cynnwys yng nghytundeb.
  • Mae cyllid mynediad agored y Cyfadrannau ar gau ar hyn o bryd (Awst 2024 - ).

Os ydych chi'n cyhoeddi mewn cyfnodolyn hybrid nad yw wedi'i gynnwys yng nghytundeb cyhoeddi, gallwch ddefnyddio Polisi Cyhoeddiadau Ymchwil Prifysgol Abertawe i hunan-archifo eich llawysgrif dderbyniedig yr awdur (AAM) yn yr ystorfa sefydliadol, Cronfa. Gallwch hunan-archifo drwy'r llwybr 'gwyrdd' gyda thrwydded Greadigol Gyffredin CC-BY ac nid oes angen cyfnod gwaharddiad cyhoeddi. Opsiwn di-dâl yw hwn sy'n cwrdd â gorchmynion arianwyr.

 

Mae llawer o gytundebau Darllen a Chyhoeddi yn dod i ben ar 31/12/2025. Gwiriwch statws y cytundeb wrth ddewis ble i gyhoeddi. Bydd y dudalen hon yn cael ei diweddaru’n rheolaidd i adlewyrchu unrhyw newidiadau. Nodir statws pob cytundeb cyhoeddwr ar y tabiau cyhoeddwyr ar y canllaw Saesneg:

Yn fyw 

 Cytundeb presennol ar waith. Parhewch â’ch cyhoeddiad fel arfer.
Wrthi’n cael ei sefydlu

Mae’r cytundeb hwn wrthi’n cael ei osod. Parhewch â’ch cyhoeddiad fel arfer.
Dan adolygiad Efallai na chaiff y cytundeb hwn ei adnewyddu oherwydd y Rhaglen Cynaliadwyedd Ariannol. Cysylltwch â library@abertawe.ac.uk gyda manylion eich cylchgrawn a’ch cyhoeddiad arfaethedig.

Aros am wybodaeth 

Mae’r cytundeb hwn yn dal i fod dan drafodaethau cenedlaethol rhwng JISC a chyhoeddwyr.

Cysylltwch â library@abertawe.ac.uk gyda manylion eich cylchgrawn a’ch cyhoeddiad arfaethedig.

 

Cytundebau a Disgowntiau Cyhoeddwyr: Meini Prawf Cymhwyster

Rhestr wirio cymhwyster: Sut i sicrhau eich bod chi'n gymwys

Caiff defnydd o'r cytundebau cyhoeddi ei gyfyngu fel arfer i awduron gohebol sydd â chontract cyflogaeth gyda Phrifysgol Abertawe. Gall myfyrwyr ôl-raddedig cofrestredig sy'n awduron gohebol gwneud cais.

  • Rhaid i chi ddefnyddio eich cyfeiriad e-bost Prifysgol Abertawe a rhoi eich cysylltiad sefydliadol JISC â'r brifysgol.
  • Rhaid i'r awdur gohebol sicrhau bod math yr erthygl wedi'i gynnwys yn y cytundeb.
  • Nad ydym yn caniatáu papurau ar gyfer awduron gohebol sy'n aelodau staff anrhydeddus neu wadd oni bai bod y papur yn cydnabod cyllid UKRI perthnasol a bod yna cyfraniad sylweddol Prifysgol Abertawe ar wedd cydawduron ar y papur.
  • Nad ydym yn caniatáu papurau ar gyfer awduron gohebol sy'n aelodau Bwrdd Iechyd Prifysgol Bae Abertawe (BIPBA) nad oes ganddyn nhw gontract cyflogaeth gyda'r sefydliad. Os ydych chi’n ymgysylltu a'r ddau sefydliad, rhaid defnyddio cyfeiriad e-bost Prifysgol Abertawe.
  • Byddwn yn rhoi ystyriaeth i bapurau lle rhestrir myfyrwyr ôl-raddedig / ymchwilwyr gyrfa gynnar Prifysgol Abertawe fel awduron gohebol a lle cyflawnwyd yr ymchwil tra bod yr awdur yn gysylltiedig â Phrifysgol Abertawe (hyd at uchafswm o 12 mis ôl-ddyfarniad). Cysylltwch â ni drwy e-bost cyn dewis cyhoeddi mynediad agored i drafod sut allwn ni cyflawni'r hwn os nad oes gennych gyfeiriad e-bost gweithredol yn y sefydliad bellach.
  • Mae'n fuddiol sicrhau bod gennych broffil ORCID cyfredol.

Cytundebau Cyhoeddwyr Mynediad Agored Prifysgol Abertawe - Defnyddio Teclyn Chwilio Cyfnodolion SciFree