Mae'n Ddiwrnod y Llyfr, felly pa well amser i ddweud wrthych chi am lyfrau newydd rydym ni wedi eu prynu ar gyfer y Llyfrgell! Rydym ni wedi ychwanegu mwy na 30 o nofelau newydd i adran ffuglen y Casgliad Lles yn Llyfrgelloedd y Bae a Pharc Singleton. Gofynnon ni i staff y llyfrgell am syniadau ynghylch yr hyn i'w brynu, felly gwelwch chi ychydig o'n hoff lyfrau ar y silffoedd. Gallwch ofyn am y llyfrau a'u benthyg fel arfer. Byddan nhw'n cael eu hadnewyddu i chi yn awtomatig oni bai bod rhywun arall yn gofyn amdanynt, felly nid oes angen poeni am ddyddiadau dychwelyd, dim ond gwirio'ch e-bost rhag ofn y bydd eu hangen arnom yn ôl!
Mae darllen er pleser yn ffordd dda iawn o ryddhau straen, felly ceisiwch neilltuo peth amser yn ystod yr wythnos i ymlacio gyda llyfr. Ceir rhagor o wybodaeth am fanteision darllen, ynghyd ag argymhellion, ar ein tudalen Darllen yn Well.