Ar gyfer ymholiadau’n ymwneud ag e-draethodau ymchwil cysylltwch â thîm Cymorth Ymchwil y Llyfrgell openaccess@abertawe.ac.uk
Ar gyfer ymholiadau’n ymwneud a’r ystorfa, cysylltwch ag LibraryResearchSupport@abertawe.ac.uk
Gallwch:
Darparwch gopi testun cyflawn o’r traethawd ymchwil llwyddiannus ar fformat PDF i weinyddydd y Coleg. Bydd angen copi i’w gadw arnom hyd yn oed os ydych yn dewis peidio â copi o’r traethawd ymchwil a fydd ar gael i’r cyhoedd.
Mae canllaw llawn ar hawlfraint ar gael yng Nghanllaw’r Llyfrgell ar Hawlfraint.
Cyfeiriwch at y daflen “Sicrhau bod eich e-draethawd yn gyfreithlon” er mwyn cael canllaw ar hawlfraint ac er mwyn rheoli risgiau hawlfraint wrth i chi baratoi’r traethawd ymchwil.
Cynnwys deunydd o dan hawlfraint yn eich traethawd ymchwil
Deunydd o dan hawlfraint trydydd parti
Bydd angen i chi ofyn am ganiatâd i gynnwys unrhyw ddeunydd o dan hawlfraint trydydd parti yn fersiwn electronig eich traethawd sydd ar gael yn gyhoeddus ar-lein. Mewn fersiwn wedi ei argraffu, gellir fel arfer cynnwys darnau byr heb ofyn am ganiatâd, cyn belled â’u bod wedi eu cydnabod yn ddigonol a’ch bod wedi cyfeirio at y deunydd yn unol ag arferion academaidd arferol.
Beth yw deunydd o dan hawlfraint trydydd parti?
Mae’n werth gofyn am ganiatâd i gynnwys deunydd o dan hawlfraint yn eich traethawd ymchwil wrth i chi gyflawni eich astudiaethau, yn hytrach na cheisio cysylltu â deiliad hawlfraint pan fyddwch ar fin cwblhau’r gwaith. Mae’r Llyfrgell yn cynnal sesiynau hyfforddi rheolaidd i fyfyrwyr ôl-radd er mwyn rhoi cymorth i chi ddeall gofynion hawlfraint yng nghyswllt e-draethodau ymchwil.
Sut i sicrhau caniatâd i gynnwys deunydd trydydd parti yn fersiwn electronig eich traethawd ymchwil
Mae angen gwybod pwy yw deiliad yr hawlfraint a chysylltu â nhw. Gall y deiliad fod yn awdur, cyhoeddwr, darlunydd ac ati. Pan fyddwch yn defnyddio deunydd o ffynonellau sydd wedi eu cyhoeddi, y cam cyntaf yw cysylltu â’r cyhoeddwr. Dylech gynnwys y manylion allweddol canlynol yn eich gohebiaeth:
Os na fyddwch yn derbyn ateb, dylech gymryd nad oes modd i chi ddefnyddio’r deunydd gan nad ydych wedi derbyn caniatâd. O bryd i’w gilydd, bydd gofyn i chi dalu ffi er mwyn ail-ddefnyddio deunydd. Does dim gorfodaeth arnoch i dalu a gallwch ddewis peidio â chynnwys y deunydd yn fersiwn electronig eich traethawd ymchwil sydd ar gael i’r cyhoedd.
Beth i’w wneud gyda chaniatâd
Os gwrthodir caniatâd neu os nad oes modd i chi sicrhau hawlfraint ar gyfer yr holl ddeunydd sydd yn eich traethawd ymchwil, ni fydd modd i chi roi copi cyflawn o’r traethawd i’r cyhoedd ar-lein.
Mae modd cyflwyno dwy fersiwn electronig o draethawd ymchwil:
Nodwch y bydd o bosib yn angenrheidiol cyfyngu ar fynediad i’r traethawd ymchwil os nad ydych wedi llwyddo i sicrhau caniatâd i gynnwys deunydd gan drydydd parti, yn ogystal â sicrhau gwaharddiad ffurfiol ar fynediad tan i bob erthygl mewn cyfnodolyn gael ei chyhoeddi.
Ar ôl yr arholiad ac ar ôl cwblhau pob cywiriad gofynnol:
Cadwch fersiwn derfynol eich traethawd ar fformat PDF. Enwch y ffeil mewn dull priodol gan gynnwys eich rhif myfyriwr, e.e. 2017davies123456.pdf neu 2017davies123456wedieiailolygu.pdf. Os oes gennych atodiadau sy’n cynnwys deunydd wedi ei gyfyngu, dylid cyflwyno’r rhain fel ffeiliau ar wahân.
Mae Prifysgol Abertawe angen copi i’w gadw ar gyfer yr archif ymchwil hyd yn oed os dewiswch peidio â gadael i’r cyhoedd weld eich traethawd. Byddwn yn creu cofnod i’w gadw.
Bydd gweinyddydd y Coleg yn:
Cydymffurfio â pholisi Cynghorau Ymchwil y DU (RCUK/UKRI) ar fynediad agored:
Cydymffurfio â pholisïau’r Cynghorau Ymchwil unigol:
Fel arfer, nid yw cyhoeddwr yn gwrthwynebu i draethawd ymchwil fod ar gael i’r cyhoedd mewn ystorfa sy’n perthyn i sefydliad cyn i gyhoeddiadau sydd wedi eu seilio ar y traethawd ymchwil gael eu cyhoeddi. Fodd bynnag, awgrymwn y dylech wirio manylion y polisi sy’n manylu ar gyhoeddi ymlaen llaw gyda’r cyhoeddwr unigol. Yn gyffredinol, mae unrhyw lawysgrif sydd wedi ei seilio ar eich gwaith ymchwil yn debygol o fod yn fersiwn dra gwahanol i’r gwaith gwreiddiol.
Mae modd gwneud cais am waharddiad ffurfiol ar fynediad os nad ydych wedi gorffen cyhoeddi o’r traethawd ymchwil neu os oes unrhyw ystyriaethau masnachol yn berthnasol. Dylech wneud y cais trwy Bennaeth y Coleg/Ysgol neu enwebai yn y ffordd arferol. Mae gennych hawl i gyfyngu ar fynediad dros dro i’r fersiwn electronig a dynodi dyddiad diwedd y gwaharddiad ar gytundeb cyflwyno’r awdur.
Os yw’r traethawd ymchwil wedi derbyn nawdd masnachol ac os yw’r myfyriwr wedi llofnodi cytundeb sy’n gwahardd cyhoeddi’r gwaith yn gyhoeddus, boed hynny dros dro neu’n barhaol, dylid nodi hyn ar y cytundeb cyflwyno mynediad agored. Bydd yn rhaid i’r myfyriwr ddarparu copi electronig o’r traethawd ymchwil ond cyfrifoldeb Prifysgol Abertawe yw sicrhau na fydd hwn ar gael yn gyhoeddus yn unol â thelerau’r cytundeb. Mae hefyd yn bosibl cyflwyno ail fersiwn wedi ei hailolygu os yw’r traethawd ymchwil yn cynnwys deunydd sydd â hawlfraint sy’n perthyn i drydydd parti neu ddeunydd o natur sensitif y mae’r awdur yn dymuno peidio ei gynnwys.
Os oes angen gwaharddiad ffurfiol ar fynediad i’r fersiwn papur a’r fersiwn electronig fel ei gilydd, dylai’r myfyriwr nodi ei fwriad mor gynnar â phosibl trwy Bennaeth y Coleg/Ysgol neu enwebai. Dylai’r cais nodi teitl y gwaith a’r rheswm dros osod gwaharddiad ffurfiol.
Er enghraifft:
Mae traethodau ymchwil yn ddarostyngedig i’r Ddeddf Rhyddid Gwybodaeth 2000 (FOIA) a’r Rheoliadau Amgylcheddol 2004 (EIR).