Mae eich llyfrgellwyr pwnc yma i’ch helpu. Gallwn eich cynorthwyo i ganfod gwybodaeth, defnyddio adnoddau’r llyfrgell a mynd i’r afael ag ymchwil a chyfeirio’n gywir.
Ar y tudalennau hyn fe ddewch o hyd i adnoddau allweddol, cynghorion ac arweiniad i gefnogi eich astudiaethau a’ch ymchwil. Cofiwch gallwch bob amser gysylltu gyda’ch llyfrgellwyr os byddwch angen unrhyw gymorth wrth chwilio am wybodaeth, defnyddio cronfeydd data, cyfeiriadau neu unrhyw beth arall sy’n ymwneud â’r llyfrgell.
Helo, ni yw Bernie Williams, Siân Neilson, Dr. Ian Glen a Carine Hartson ac rydym yma i’ch helpu i ddod o hyd i wybodaeth, i ddefnyddio cronfeydd data, cyfeirnodi ac unrhyw beth arall sy’n ymwneud â’r llyfrgell.
Mae’r Brifysgol yn cynllunio ar gyfer dychwelyd i’w champysau ac ailagor gwasanaethau gan roi’r flaenoriaeth uchaf i iechyd a diogelwch myfyrwyr a staff. Yn unol â chanllawiau gan Lywodraeth Cymru a rheolwyr y Brifysgol, mae staff y Llyfrgelloedd wedi bod yn gweithio’n agos gyda chydweithwyr yn yr Adrannau Iechyd a Diogelwch ac Ystadau i gynllunio proses ddychwelyd ddiogel, fesul cam, a fydd yn ein galluogi i sicrhau pellter cymdeithasol o ddau fetr, mannau hylif diheintio dwylo a chyn lleied o gyswllt â phosib wrth ddarparu gwasanaethau. Edrychwch ar ein tudalen we i dderbyn yr wybodaeth ddiweddaraf.
Ewch i gael cip ar Politics Trove. Mae’n cynnwys 27 o lyfrau gwych ym maes gwleidyddiaeth a chysylltiadau rhyngwladol a ysgrifennwyd gan arbenigwyr ac a gynhyrchwyd gan Oxford University Press.
Mae'r gwaith hwn wedi'i drwyddedu o dan Drwydded Ryngwladol Creative Commons Attribution-ShareAlike 4.0.
