This link opens in a new window
iFind, sef catalog y llyfrgell, yw’r brif ffordd o chwilio am adnoddau a ddarperir gan Lyfrgell Prifysgol Abertawe.
Mae'r gronfa ddata hon yn darparu manylion llyfryddiaethol (gan gynnwys crynodebau) ar gyfer erthyglau mewn cyfnodolion, ar amrywiaeth mawr o bynciau, gan gynnwys Iechyd, Gwasanaethau Cymdeithasol, Seicoleg, Cymdeithaseg, Economeg, Gwleidyddiaeth, Cysylltiadau Hiliol, Gwaith Cymdeithasol ac Addysg. Mae'n cynnwys cofnodion mwy na 500 o deitlau cyfnodolion a gyhoeddir mewn 16 gwlad wahanol, gan gynnwys y DU a'r UD.
Mae'r Cumulative Index to Nursing & Allied Health Literature (CINAHL) yn gronfa ddata sy'n mynegeio llenyddiaeth sy'n ymwneud â phob agwedd ar nyrsio, bydwreigiaeth ac iechyd perthynol. Mae gan CINAHL gwmpas rhyngwladol a dros 5.2 miliwn o gofnodion o 5000 o gyfnodolion, gan gynnwys testun llawn mwy na 770 o gyfnodolion.
Mae CCI Oedolion wedi’i greu gyda ac ar gyfer gweithwyr cymdeithasol a gweithwyr proffesiynol eraill. Nod cyffredinol y safle yw gwella safonau ymarfer drwy sicrhau bod gan ymarferwyr yr wybodaeth sydd ei hangen arnynt i fod yn hyderus wrth wneud penderfyniadau ac asesiadau; gwybod am y canllawiau, arfer da, ymchwil, deddfwriaeth a chyfraith achos diweddaraf; ac ehangu eu sylfaen wybodaeth drwy waith achos.
Mae CCI Plant wedi’i greu gyda ac ar gyfer gweithwyr cymdeithasol a gweithwyr proffesiynol eraill sy’n gweithio gyda phlant, pobl ifanc a’u teuluoedd. Nod cyffredinol y safle yw gwella safonau ymarfer drwy sicrhau bod gan ymarferwyr yr wybodaeth sydd ei hangen arnynt i fod yn hyderus wrth wneud penderfyniadau ac asesiadau; gwybod am y canllawiau, arfer da, ymchwil, deddfwriaeth a chyfraith achos diweddaraf; ac ehangu eu sylfaen wybodaeth drwy waith achos.
ProQuest Central yw'r adnodd erthyglau cyfnodolion mwyaf ar gael. Mae'r gronfa yn dod â chronfeydd data cyflawn ynghyd o feysydd mawrion megis Busnes, Iechyd a Meddyginiaeth, Ieithoedd a Llenyddiaeth, Gwyddorau Cymdeithasol, Addysg, Gwyddoniaeth a Thechnoleg yn ogystal â theitlau craidd ym meysydd y Celfyddydau Gweledol a Pherfformio, Hanes, Crefydd, ac Athroniaeth. Mae’r adnodd hefyd yn cynnwys miloedd o bapurau newydd testun llawn o bob rhan o'r byd.
Cliciwch ar y botwm isod i weld rhestr o'n holl gronfeydd data. Mireinio'ch chwiliad ymhellach trwy ddewis pwnc neu fath o'r gwymplen.
Ddim yn siŵr ble i ddechrau, ceisiwch ddarllen rhai o'ch cyfnodolion allweddol:
Mae'r Llyfrgell yn dal holl draethodau ymchwil Prifysgol Abertawe ar lefel doethuriaeth a rhai meistri. Nid ydym fel arfer yn cadw prosiectau neu draethodau hir y drydedd flwyddyn. Mae'r rhan fwyaf o'n traethodau estynedig yn cael eu cadw mewn storfa dan glo ar Gampws Parc Singleton.
Mae'r traethodau hir at ddefnydd cyfeirio yn unig, felly ni ddylid eu tynnu allan o'r llyfrgell. Gofynnwch wrth y Ddesg Wybodaeth os hoffech edrych ar draethawd ymchwil.
Gallwch chi ddefnyddio ein cronfeydd data i ddod o hyd i draethodau ymchwil a thraethodau hir o'r tu allan i Brifysgol Abertawe.