Mae miloedd o lyfrau testun a monograffau'r gyfraith yn Llyfrgell y Gyfraith, ar bapur ac yn electronig.
iFind, sef catalog y llyfrgell, yw’r brif ffordd o chwilio am adnoddau a ddarperir gan Lyfrgell Prifysgol Abertawe.
Mae gan staff a myfyrwyr Prifysgol Abertawe fynediad at nifer o lyfrau testun electronig llawn ar-lein. Gellir dod o hyd i rai llyfrau drwy iFind fesul gair allweddol (am lyfrau ar bwnc penodol), awdur neu deitl.
Mae gan gronfeydd data cyfreithiol eraill megis LexisPlus, Westlaw UK a Heinonline gasgliadau o lyfrau ar-lein lle gallwch eu chwilio'n unigol ar ôl mewngofnodi i'r gwasanaethau hynny.
Mae'n darparu mynediad ar-lein i destun llawn amrywiaeth enfawr o gyfnodolion y gyfraith ac mae'n cynnwys casgliadau prin ac allan o brint.
i-Law yw’r gwasanaeth gwybodaeth ac ymchwil ar-lein gan Informa Law. Mae gennym fynediad i’w hadrannau Cyfraith Fasnachol a Chyfraith Forwrol uchel eu bri.
Gwasanaeth ar-lein cyflawn sy'n rhoi mynediad i holl wasanaethau LexisNexis Butterworths Online y mae Prifysgol Abertawe'n tanysgrifio iddynt drwy ryngwyneb sengl. Sef All England Direct, Legislation Direct, Halsbury's Laws Direct, Employment Law Online, Family and Child Law Direct, Crime Online, Civil Procedure Online, Stone's Justice Manual Direct, Corporate Law Direct and Insolvency Law Direct, PI [Personal Injury] Online, Encyclopaedia of Forms and Precedents.
O economeg a gwleidyddiaeth i lenyddiaeth ac athroniaeth, mae Oxford Handbooks yn ymdrin ag ystod eang o bynciau ar draws y dyniaethau, y gwyddorau cymdeithasol, y gwyddorau, a’r gyfraith.
Mae Law Trove yn rhoi mynediad ar-lein i gynnwys y cyhoeddwyr cyfreithiol Oxford University Press sydd wedi ennill gwobrwyon. Mae’n hyrwyddo astudiaeth gyfan o’r Gyfraith sy’n eich galluogi i fynd yn ddwfn i’ch pwnc dewisol a hyd yn oed cysylltu gydag adnoddau eraill yng nghasgliad ein llyfrgell.
Mae Oxford Scholarship Online yn cynnig mynediad i filoedd o weithiau academaidd o restr ysgolheigaidd enwog Gwasg Prifysgol Rhydychen, gan gwmpasu pynciau ar draws y dyniaethau, y gwyddorau cymdeithasol, y gwyddorau, meddygaeth a'r gyfraith.
Mae Proquest Ebook Central yn cynnig e-lyfrau awdurdodol mewn ystod eang o feysydd pwnc, ynghyd ag offer grymus i’ch cynorthwyo i ganfod, defnyddio a rheoli’r wybodaeth yr ydych ei hangen.
Mae Westlaw yn gronfa ddata fawr sy'n cynnwys deunyddiau cyfreithiol o'r Deyrnas Unedig, yr Unol Daleithiau a'r Undeb Ewropeaidd. Gallwch ddod o hyd i destun llawn cyfraith achosion a deddfwriaeth o'r awdurdodaethau hyn, ac mae testun llawn erthyglau ar gael o Adolygiadau'r Gyfraith yr Unol Daleithiau ynghyd â nifer cyfyngedig o gyfnodolion y gyfraith o'r DU.
Cliciwch ar glawr y llyfr yr hoffech ei weld (uchod) ac yna roliwch dros y ddelwedd i ddatgelu’r cyswllt (fel sydd i’w weld yn y blwch coch yma) i gatalog Llyfrgell Abertawe
Dangosir y fformat sylfaenol ar gyfer cyfeirnodi llyfr gan ddefnyddio OSCOLA isod. Mae'r canllaw cyflawn i OSCOLA ar gael ar y tab Cyfeirnodi uchod.
Mae llyfrau a chyfnodolion y Gyfraith i’w cael yn y Llyfrgell ar Lefel 4 (a 3) Gorllewin Llyfrgell a Chanolfan Wybodaeth Parc Singleton.
Mae rhif galw yn cynrychioli maes pwnc eitem ac mae'n nodi lleoliad yr eitem ar y silffoedd. Mae'r rhif galw fel rheol yn gyfuniad o lythrennau a rhifau. Mae'r llythyren K yn cynrychioli'r Gyfraith yn ein llyfrgell ac ychwanegir llythrennau a rhifau i ddangos lleoliad penodol pob eitem. Mae'r llun isod yn dangos rhai llyfrau testun y Gyfraith a'r rhifau galw a ddynodwyd iddynt fel y gellir dod o hyd iddynt yn llwyddiannus. DS: Mae'r dotiau coch ar y meingefn yn golygu y gellir benthyca'r llyfr am wythnos yn unig - pythefnos yw'r cyfnod benthyca arferol. Mae llawer o lyfrau'r Gyfraith yn perthyn i gategori benthyciad arbennig, sef y casgliad benthyciad byr. Cedwir hyn y tu ôl i'r Ddesg Wybodaeth ar lefel y fynedfa - gofynnwch yno am eich eitem.
Dyma rai o'r prif adrannau:
K1 Cyfnodolion gyfraith | KL System Gyfreithiol |
KA Cyfreitheg | KM Cyfraith Gyhoeddus (Troseddol, Gweinyddol ac ati) |
KB Cyfraith Gymharol | KN Cyfraith Breifat (Contract, Camweddau ac ati) |
KC Cyfraith Ryngwladol | KW Cyfraith UE |
Efallai yr hoffech i ni ychwanegu llyfr at Lyfrgell y Gyfraith. Gallwch bellach argymell ein bod yn prynu copi at ddibenion astudio neu ymchwil. Ewch amdani - awgrymu llyfr!