Mae'r gronfa ddata hon yn darparu manylion llyfryddiaethol (gan gynnwys crynodebau) ar gyfer erthyglau mewn cyfnodolion, ar amrywiaeth mawr o bynciau, gan gynnwys Iechyd, Gwasanaethau Cymdeithasol, Seicoleg, Cymdeithaseg, Economeg, Gwleidyddiaeth, Cysylltiadau Hiliol, Gwaith Cymdeithasol ac Addysg. Mae'n cynnwys cofnodion mwy na 500 o deitlau cyfnodolion a gyhoeddir mewn 16 gwlad wahanol, gan gynnwys y DU a'r UD.
Gwasanaeth mynegeio dyfyniadau gwyddonol sy'n darparu gwasanaeth cynhwysfawr i chwilio am ddyfyniadau. Mae'n rhoi mynediad i nifer o gronfeydd data sy'n cyfeirnodi ymchwil trawsddisgyblaethol ac yn caniatáu chwiliadau manwl o is-feysydd arbenigol o fewn disgyblaeth academaidd neu wyddonol.
Mae'r gronfa ddata hon yn cynnwys dros 3 miliwn o gyfeiriadau llyfryddiaethol at erthyglau mewn cyfnodolion, ynghyd â llyfrau, adolygiadau a detholiad o benodau sy'n dyddio'n ôl i 1951. Mae'n unigryw oherwydd ei bod yn cwmpasu amrywiaeth eang o ddeunydd rhyngwladol ac yn cynnwys dros 100 o ieithoedd a gwledydd. Caiff mwy na 2,800 o gyfnodolion eu mynegeio'n rheolaidd ac mae tua 7,000 o lyfrau'n cael eu cynnwys bob blwyddyn.
Mae Criminal Justice Database yn gronfa ddata gynhwysfawr sy'n cefnogi ymchwil ar drosedd, ei hachosion a'i heffeithiau, goblygiadau cyfreithiol a chymdeithasol, yn ogystal â thueddiadau cyfreithiad a throseddu. Yn ogystal â chyfnodolion ysgolheigaidd rhyngwladol ac o'r Unol Daleithiau, mae'n cynnwys cyhoeddiadau masnachol cystwyol a gorfodi'r gyfraith, adroddiadau am droseddau, blogiau am droseddau a deunydd arall sy'n berthnasol i ymchwilwyr neu'r rhai sy'n paratoi ar gyfer gyrfaoedd ym maes cyfiawnder troseddol, gorfodi'r gyfraith a meysydd cysylltiedig eraill.
Mae gennym fynediad i nifer o Wasanaethau Ymwybyddiaeth Gyfredol electronig i'ch helpu i fod yn ymwybodol o'r datblygiadau diweddaraf yn eich maes troseddeg.
Mae Lexis Plus UK yn caniatáu i chi greu rhybuddion e-bost ar gyfer achosion, deddfwriaeth ac erthyglau newydd.
Gellir defnyddio LexisLibrary a Westlaw UK i chwilio am y newyddion diweddaraf ar sail allweddeiriau. Ar gyfer y ddau:
Gellir pori adran ymwybyddiaeth gyfredol Westlaw UK fesul pwnc hefyd.
Gwasanaeth Ymwybyddiaeth Gyfredol (CAS) yw JournalTOCs ble gallwch ddarganfod y papurau mwyaf newydd a ddaw yn uniongyrchol o’r cyhoeddwyr cyn gynted ag y maent wedi’u cyhoeddi ar-lein. Cofrestru unigol am ddim. Mae 1189 o restrau â theitl Cyfnodolyn y Gyfraith a Throseddeg.
Rhybuddion Cronfa Ddata - mae rhai cronfeydd data, megis ASSIA, ScienceDirect a Web of Science yn caniatáu i chi greu rhybuddion e-bost a derbyn neges pan fydd eitemau newydd yn cyfateb i'ch termau chwilio. Mae rhai cronfeydd data yn caniatáu i chi gyfyngu chwiliad i ddeunydd diweddar hefyd fel y gallwch wirio a oes unrhyw beth newydd wedi cael ei ychwanegu.
Mae'r llyfrgell yn cadw holl draethodau ymchwil Prifysgol Abertawe ar lefel doethuriaeth, a rhai ar lefel graddau meistr. Cedwir traethodau ymchwil ar gyfer y rhan fwyaf o bynciau mewn storfa dan glo yn Llyfrgell Parc Singleton sy'n agored i staff y llyfrgell yn unig. Rhaid i chi eu defnyddio yn y llyfrgell. Defnyddiwch iFind i chwilio am awdur a theitl y traethawd ymchwil yr hoffech ei ddarllen ac ewch i Ddesg Gwybodaeth lle bydd aelod o'r staff yn mynd i'w nôl i chi. I gael rhagor o wybodaeth am draethodau ymchwil ewch i'r Canllaw Llyfrgell.
Mae EThOS wedi’i greu i gynnig un pwynt mynediad i draethodau ymchwil y DU ac yn chwarae rôl arwyddocaol wrth arddangos ymchwil y DU i’r byd. Mae gan EThOS, a gynhelir gan y Lyfrgell Brydeinig, fwy na 100 o brifysgolion y DU ynghlwm yn y prosiect. Gall gynnig ystod eang iawn o deitlau fel lawrlwythiadau testun llawn. Os bydd eitem rydych ei hangen eisoes yn EThOS yna mae ar gael i’w lawrlwytho i’ch bwrdd gwaith ar unwaith am ddim; os nad ydyw, gallwch brynu copi wedi’i sganio oddi wrth EThOS.
ProQuest Dissertations & Theses Global yw casgliad mwyaf cynhwysfawr y byd o draethodau hir a thraethodau ymchwil o bob cwr o’r byd, yn dyddio o 1743 hyd at heddiw. Mae’n cynnig mynediad testun llawn i waith graddedigion a ychwanegwyd ar ôl 1997, a mynediad testun llawn i ddetholiad o waith raddedigion a ychwanegwyd cyn 1997. Mae’n cynnwys nifer sylweddol o draethodau hir a thraethodau ymchwil rhyngwladol newydd ar ffurf dyfyniadau a thestun llawn.
Defnyddiwch Sage Research Methods i ddysgu am ddulliau ymchwil gwahanol, dod o hyd i astudiaethau achos a defnyddio adnoddau ystadegol.
Cynnwys
Mynediad at gannoedd o e-lyfrau ar ddulliau a methodoleg ymchwil. Hefyd ceir podlediadau a fideos i esbonio rhai cysyniadau.
Adnoddau
Mae nifer o adnoddau i'ch helpu gyda'ch prosiect ymchwil neu'ch traethawd hir: