Mae'r gronfa ddata hon yn cynnwys dros 3 miliwn o gyfeiriadau llyfryddiaethol at erthyglau mewn cyfnodolion, ynghyd â llyfrau, adolygiadau a detholiad o benodau sy'n dyddio'n ôl i 1951. Mae'n unigryw oherwydd ei bod yn cwmpasu amrywiaeth eang o ddeunydd rhyngwladol ac yn cynnwys dros 100 o ieithoedd a gwledydd. Caiff mwy na 2,800 o gyfnodolion eu mynegeio'n rheolaidd ac mae tua 7,000 o lyfrau'n cael eu cynnwys bob blwyddyn.
Bydd y casgliad hwn ar ôl ei gwblhau yn cynnwys 460 o gyfnodolion Prydeinig a gyhoeddwyd rhwng 1681 a’r 1930au. Pynciau dan sylw yn cynnwys llenyddiaeth, athroniaeth, hanes, gwyddoniaeth, celfyddydau cain a’r gwyddorau cymdeithasol.
Mae Llyfryddiaeth Hanes Prydain ac Iwerddon yn ganllaw i'r gwaith ar hanes Prydain, Iwerddon a'r Prydeinwyr dramor. Mae'n cynnwys llyfrau, erthyglau ac ysgrifau eraill a gyhoeddwyd ar ôl 1901 ac mae'n cael ei diweddaru deirgwaith y flwyddyn.
Business Source Complete yw cronfa ddata fusnes ysgolheigaidd ddiffiniol y byd. Mae’n darparu y prif gasgliad o gynnwys llyfryddiaethol a thestun llawn. Fel rhan o’r sylw cynhwysfawr a gynigir gan y gronfa ddata hon, ceir mynegai a chrynodebau ar gyfer y cyfnodolion busnes ysgolheigaidd pwysicaf sy’n dyddio yn ôl i 1886. At hyn, darperir cyfeirnodau chwilio a nodwyd ar gyfer dros 1,300 o gyfnodolion.
Mae JSTOR yn cynnwys testun llawn cyfnodolion, fel arfer o'r rhifyn cyntaf hyd at oddeutu 5 mlynedd yn ôl. Ar gyfer rhifynnau mwy diweddar, yn aml darperir dolenni i destun llawn erthyglau ar wefannau allanol. Mae'r pynciau'n cynnwys ecoleg, economeg, addysg, cyllid, hanes, iaith a llenyddiaeth, mathemateg ac ystadegau, athroniaeth, cymdeithaseg, anthropoleg, gwleidyddiaeth ac astudiaethau poblogaeth.
Gwasanaeth mynegeio dyfyniadau gwyddonol sy'n darparu gwasanaeth cynhwysfawr i chwilio am ddyfyniadau. Mae'n rhoi mynediad i nifer o gronfeydd data sy'n cyfeirnodi ymchwil trawsddisgyblaethol ac yn caniatáu chwiliadau manwl o is-feysydd arbenigol o fewn disgyblaeth academaidd neu wyddonol.
Mae’r holl gyfnodolion rydym yn tanysgrifio iddynt wedi’u rhestru ar iFind, catalog y llyfrgell. Os oes gennych gyfeirnod ar restr ddarllen ayyb gallwch fynd yn syth i iFind i wneud chwiliad ‘Teitl Cyfnodolyn’ am y cyfnodolyn. Mae iFind hefyd yn cynnwys manylion am erthyglau unigol - cliciwch ar y tab ‘Erthyglau a Mwy’ i chwilio am y rhain. Os ydych eisiau chwilio am erthyglau am bwnc penodol dewiswch ‘rhywle yn y cofnod’. Os ydych eisiau chwilio am erthygl benodol, dewiswch ‘yn y teitl’ a mewnbynnwch deitl yr erthygl. Gallwch hefyd chwilio am erthyglau gan awdur penodol, dewiswch ‘fel awdur/crëwr’ i wneud hyn. Noder: Bydd eich canlyniadau yn cynnwys erthyglau o bapurau newydd yn ogystal â rhai o gyfnodolion.
Er eich bod yn gallu defnyddio iFind i ddod o hyd i erthyglau cyfnodolion ar bwnc penodol neu gan awdur arbennig, os ydych eisiau gwneud chwiliad mwy manwl mae’n well i chi ddefnyddio’r cronfeydd data electronig. Mae rhai o’r cronfeydd data hyn (e.e. JSTOR) yn cynnwys erthyglau testun llawn, tra bod eraill (e.e. Web of Science) yn cynnwys dyfyniad (neu gofnod) a chrynodeb o’r erthygl. Yn yr achos hwn byddwch yn aml yn gweld cyswllt 'iGetIt@Swansea University' y gallwch glicio arno i weld a oes gennym yr erthygl yn llawn. Gallwch roi cynnig ar yr ymarfer ar-lein hwn i wella’ch sgiliau chwilio ac arfer chwilio am erthyglau cyfnodolion.