I ddod o hyd i leoliad y llyfr yr ydych ei angen, defnyddiwch ein catalog llyfrgell, iFind. Wrth chwilio am lyfr penodol rydym yn argymell defynddio cyfenw'r awdur ac un neu ddau o eiriau alllweddol y teitl. Yna gallwch hidlo trwy glicio ar "Testun llawn ar-lein" i ddod o hyd i e-lyfr. Mae hefyd yn ddefnyddiol dewis "Llyfrau a mwy" yn hytrach na chwilio "Popeth".
Mae canllaw i iFind o dan y testun hwn.
Mae'r rhan fwyaf o lyfrau a chylchgronau printiedig am lenyddiaeth Gymraeg a'r iaith Gymraeg ar Lefel 2 Gorllewin. PB sy'n dechrau rhif galw'r llyfrau. Mae gan nifer o gylchgronau rifau galw sy'n dechrau PB2101.
Mae llyfrau eraill am Gymru yn y Casgliad Cymreig nesaf i PB ar Lefel 1 Gorllewin. W/ sy'n dechrau rhif galw'r llyfrau. Mae gan lyfrau am hanes Cymru rifau galw yn dechrau W.DA.
Mae llyfrau am lenorion Cymreig yn yr iaith Saesneg (e.e. Dylan Thomas) ar Lefel 1 gyda rhifau galw sy'n dechrau PR, lle mae'r rhan fwyaf o lyfrau am lenyddiaeth Saesneg.
Mae llyfrau ym Mhrifysgol Abertawe yn cael eu hadnewyddu'n awtomatig oni bai bod defnyddiwr arall yn gofyn amdanynt. Os yw'r llyfr rydych chi ei eisiau ar fenthyg mae'n bwysig iawn eich bod chi'n mewngofnodi i iFind ac yn gofyn am y llyfr. Cofiwch wirio'ch e-bost yn rheolaidd rhag ofn y gofynnwyd am lyfrau rydych chi'n eu benthyg.
Gellir dod o hyd i’r rhan fwyaf o’n e-lyfrau drwy iFind. Mae ein e-lyfrau ar gael drwy: Proquest, EBSCO. Bydd y tabiau hyn yn dweud ychydig yn rhagor i chi am y tair prif gronfa ddata. I logio i mewn, defnyddiwch eich enw defnyddiwr a’ch cyfrinair arferol.
Mae casgliad helaeth EBSCO o deitlau e-lyfrau ar EBSCOhost yn caniatáu profiad chwilio cynhwysfawr a grymus. Gyda phob chwiliad, ymddengys teitlau e-lyfrau yn uniongyrchol ochr yn ochr â’ch cronfeydd data EBSCO eraill. Mae hyn yn datgelu i ddefnyddwyr wir ddyfnder cynigion eich llyfrgell a chynyddu defnydd a gwelededd o gasgliad cyfan eich llyfrgell.
Mae Proquest Ebook Central yn cynnig e-lyfrau awdurdodol mewn ystod eang o feysydd pwnc, ynghyd ag offer grymus i’ch cynorthwyo i ganfod, defnyddio a rheoli’r wybodaeth yr ydych ei hangen.
Mae Oxford Scholarship Online yn cynnig mynediad i filoedd o weithiau academaidd o restr ysgolheigaidd enwog Gwasg Prifysgol Rhydychen, gan gwmpasu pynciau ar draws y dyniaethau, y gwyddorau cymdeithasol, y gwyddorau, meddygaeth a'r gyfraith.
Mae JSTOR yn cynnwys testun llawn cyfnodolion, fel arfer o'r rhifyn cyntaf hyd at oddeutu 5 mlynedd yn ôl. Ar gyfer rhifynnau mwy diweddar, yn aml darperir dolenni i destun llawn erthyglau ar wefannau allanol. Mae'r pynciau'n cynnwys ecoleg, economeg, addysg, cyllid, hanes, iaith a llenyddiaeth, mathemateg ac ystadegau, athroniaeth, cymdeithaseg, anthropoleg, gwleidyddiaeth ac astudiaethau poblogaeth.
Mae ProQuest One Literature yn cynnwys 3 miliwn o ddyfyniadau llenyddiaeth o filoedd o gyfnodolion, monograffau, traethodau hir, a mwy na 500,000 o weithiau cynradd - gan gynnwys testunau prin ac aneglur, fersiynau lluosog, a ffynonellau anhraddodiadol fel comics, perfformiadau theatr, a darlleniadau awduron.