Mae’r mwyafrif o lyfrau Astudiaethau Cyfryngau wedi’u lleoli ar Lefel 1 Gorllewin o Lyfrgell Singleton. Gallwch ddod o hyd i’r llyfrau rhwng P90 a P96. Mae’r mwyafrif o lyfrau ar ffilm o dan PN. Mae DVDs wedi’u lleoli mewn casgliad ar wahân ar Lefel 2 Gorllewin.
P90-P96 Astudiaethau Cyfryngau Lefel 1 Gorllewin
PN Astudiaethau Ffilm a’r Cyfryngau Lefel 1 Gorllewin
I ddod o hyd i leoliad llyfr, DVD neu eitem arall, defnyddiwch iFind, ein catalog llyfrgell. Os ydych angen cymorth i ddod o hyd i eitemau, gofynnwch i’r staff wrth ddesg y llyfrgell. Efallai bydd y canllawiau isod o gymorth i chi hefyd.
This link opens in a new window
iFind, sef catalog y llyfrgell, yw’r brif ffordd o chwilio am adnoddau a ddarperir gan Lyfrgell Prifysgol Abertawe.
Wrth ddefnyddio iFind i chwilio am lyfr penodol rydym yn argymell defnyddio cyfenw’r awdur ac un neu ddau o eiriau allweddol o’r teitl.
This link opens in a new windowiFind, sef catalog y llyfrgell, yw’r brif ffordd o chwilio am adnoddau a ddarperir gan Lyfrgell Prifysgol Abertawe.
Gellir dod o hyd i’r rhan fwyaf o’n e-lyfrau drwy iFind. Mae ein e-lyfrau ar gael drwy tair brif wefan: Proquest,VLeBooks ac EBSCO. Bydd y tabiau hyn yn dweud ychydig yn rhagor i chi am y tair prif gronfa ddata. I logio i mewn, defnyddiwch eich rhif myfyriwr 6 digid fel eich enw defnyddiwr a’ch cyfrinair arferol.
Mae casgliad helaeth EBSCO o deitlau e-lyfrau ar EBSCOhost yn caniatáu profiad chwilio cynhwysfawr a grymus. Gyda phob chwiliad, ymddengys teitlau e-lyfrau yn uniongyrchol ochr yn ochr â’ch cronfeydd data EBSCO eraill. Mae hyn yn datgelu i ddefnyddwyr wir ddyfnder cynigion eich llyfrgell a chynyddu defnydd a gwelededd o gasgliad cyfan eich llyfrgell.
Mae JSTOR yn cynnwys testun llawn cyfnodolion, fel arfer o'r rhifyn cyntaf hyd at oddeutu 5 mlynedd yn ôl. Ar gyfer rhifynnau mwy diweddar, yn aml darperir dolenni i destun llawn erthyglau ar wefannau allanol. Mae'r pynciau'n cynnwys ecoleg, economeg, addysg, cyllid, hanes, iaith a llenyddiaeth, mathemateg ac ystadegau, athroniaeth, cymdeithaseg, anthropoleg, gwleidyddiaeth ac astudiaethau poblogaeth.
Mae Proquest Ebook Central yn cynnig e-lyfrau awdurdodol mewn ystod eang o feysydd pwnc, ynghyd ag offer grymus i’ch cynorthwyo i ganfod, defnyddio a rheoli’r wybodaeth yr ydych ei hangen.
Mae ProQuest One Literature yn cynnwys 3 miliwn o ddyfyniadau llenyddiaeth o filoedd o gyfnodolion, monograffau, traethodau hir, a mwy na 500,000 o weithiau cynradd - gan gynnwys testunau prin ac aneglur, fersiynau lluosog, a ffynonellau anhraddodiadol fel comics, perfformiadau theatr, a darlleniadau awduron.
Yn rhoi trosolwg o waith ymchwil clasurol a chyfredol a thueddiadau’r dyfodol yn y Gwyddorau Cymdeithasol a'r Dyniaethau. Mae’n darparu canllaw awdurdodol i theori a dull, yr is-ddisgyblaethau allweddol a dadleuon sylfaenol heddiw. Mae'r gronfa ddata yn cynnwys dros 23,000 o benodau o dros 850 o gyfrolau, gyda sylw eang i 27 maes pwnc, gan gynnwys Busnes ac Economeg, y Cyfryngau a Diwylliant, Cyfiawnder Troseddol a Throseddeg ac Iechyd a Gofal Cymdeithasol.
This link opens in a new window
This link opens in a new windowMae platfform VLeBooks yn darparu ystod o e-lyfrau ar nifer fawr o bynciau.
Efallai y dewch o hyd i eitemau o ddiddordeb (e.e. llyfrau am farchnata, cysylltiadau cyhoeddus a’r cyfryngau cymdeithasol) yn Llyfrgell y Bae. Os ydych eisiau benthyg eitemau o lyfrgelloedd eraill, gofynnwch wrth ddesg y llyfrgell rydych yn ei defnyddio. Gallwch hefyd wneud cais trwy iFind (bydd yr eitemau ar gael i chi eu casglu'r diwrnod ar ôl i chi wneud y cais ar ddyddiau’r wythnos).