Dyma rai cronfeydd data gwych ar gyfer chwilio am wybodaeth ym maes astudiaethau canoloesol. Gallwch hefyd fwrw golwg ar y rhestr lawn o gronfeydd data sydd wedi'u tagio ar gyfer Astudiaethau Canoloesol.
Hwn yw'r prif lyfryddiaeth ryngddisgyblaethol ar gyfer y Canol Oesoedd (c.400-1500). Mae'n cynnwys manylion dros 300,000 o erthyglau a gyhoeddwyd ers 1967 mewn cyfnodolion, trafodion cynadleddau, casgliadau o draethodau, Festschriften a chatalogau arddangosfeydd. Mae'n cynnwys pob agwedd ar astudiaethau canoloesol.
Mae Llyfrau Ffynonellau Hanes y Rhyngrwyd yn darparu testunau hanesyddol copi caniataol at ddefnydd addysgol.
Mae JSTOR yn cynnwys testun llawn cyfnodolion, fel arfer o'r rhifyn cyntaf hyd at oddeutu 5 mlynedd yn ôl. Ar gyfer rhifynnau mwy diweddar, yn aml darperir dolenni i destun llawn erthyglau ar wefannau allanol. Mae'r pynciau'n cynnwys ecoleg, economeg, addysg, cyllid, hanes, iaith a llenyddiaeth, mathemateg ac ystadegau, athroniaeth, cymdeithaseg, anthropoleg, gwleidyddiaeth ac astudiaethau poblogaeth.
Cronfeydd Data Cyffredinol
Mae'r rhain yn ymdrin ag amrywiaeth o bynciau ond mae'n ddigon posib y gallant fod o ddefnydd, gan ddibynnu ar eich pwnc.
Mae Llyfryddiaeth Hanes Prydain ac Iwerddon yn ganllaw i'r gwaith ar hanes Prydain, Iwerddon a'r Prydeinwyr dramor. Mae'n cynnwys llyfrau, erthyglau ac ysgrifau eraill a gyhoeddwyd ar ôl 1901 ac mae'n cael ei diweddaru deirgwaith y flwyddyn.
Feminae: Mynegai Canoloesol ar Ferched a Rhywedd sy’n cynnwys erthyglau o gyfnodolion, adolygiadau llyfrau, a thraethodau ar lyfrau ynghylch merched, rhywioldeb a rhywedd yn ystod yr Oesoedd Canol. Oherwydd y cynnydd mawr mewn ymchwil sy’n gysylltiedig ag Astudiaethau Merched yn ystod y ddau ddegawd diwethaf, mae tomen gynyddol o gyhoeddiadau ar gael i ysgolheigion a myfyrwyr sydd â diddordeb ym mhwnc merched yn ystod yr Oesoedd Canol.
Mae MLA International Bibliography yn rhoi manylion y rhan fwyaf o erthyglau mewn cyfnodolion a llyfrau ar ieithoedd modern a'u llenyddiaeth (gan gynnwys Saesneg) o'r 1920au hyd y presennol. Mae hefyd yn cynnwys llawer o erthyglau mewn cyfnodolion a llyfrau am ieithyddiaeth, llên gwerin a ffilmiau. Nid yw'n cynnwys adolygiadau o lyfrau. Mae'n rhan o Wasanaeth Cronfa Ddata Proquest ar gyfer y Gwyddorau Cymdeithasol a'r Dyniaethau.
Mae’r Periodicals Archive Online yn archif o wythdeg cyfnodolyn wedi’u digido a gyhoeddwyd yn y celfyddydau, dyniaethau a’r gwyddorau cymdeithasol.
Mae Project Muse yn rhoi testun llawn o flynyddoedd diweddar o tua 150 o gylchgronau o ansawdd uchel a adolygwyd gan gymheiriaid yn y Dyniaethau. Mae cyfran uchel iawn yn ymwneud â llenyddiaeth. Mae hefyd yn rhoi mynediad rhwydd i gannoedd o eLyfrau.
Y man cychwyn cyntaf yw llyfrau. Gallwch archwilio'r silffoedd yn Abertawe neu daflu'ch rhwyd yn ehangach ac archebu llyfrau gan ddefnyddio'r gwasanaeth benthyciadau rhwng llyfrgelloedd - cliciwch Gwasanaethau Cyflenwi Dogfennau am ragor o wybodaeth.
This link opens in a new windowiFind, sef catalog y llyfrgell, yw’r brif ffordd o chwilio am adnoddau a ddarperir gan Lyfrgell Prifysgol Abertawe.
Mae Library Hub Discover yn cynnwys deunydd ymchwil prin ac unigryw drwy ddod â chatalogau o tua 110 o brif lyfrgelloedd y Deyrnas Unedig ac Iwerddon ynghyd (ac mae'n cynyddu). Mewn un chwiliad gallwch ddarganfod daliadau o lyfrgelloedd cenedlaethol y Deyrnas Unedig (yn cynnwys y Llyfrgell Brydeinig), nifer o lyfrgelloedd Prifysgolion, a llyfrgelloedd ymchwil arbenigol. Mae ymchwilwyr ac addysgwyr yn defnyddio Library Hub Discover i arbed amser wrth ymchwilio, i ddarganfod a dod o hyd i adnoddau’n gyflym a rhwydd, gwirio manylion dogfennau, adolygu deunyddiau yn eu maes, ac asesu pa mor brin yw deunyddiau ayb. Mae gweithwyr proffesiynol yn ymddiried yn Library Hub Discover i roi mynediad at gronfa unigryw o wybodaeth fywgraffyddol o ansawdd uchel.
Archwiliwch y casgliadau a gedwir yn Llyfrgell Genedlaethol Cymru.