Nid yn unig mae papurau newydd yn rhoi’r newyddion i chi, maent yn adlewyrchiad o gymdeithas a gallant helpu gydag amryw o bynciau. Er enghraifft, gallech eu defnyddio i astudio troseddau, dinasoedd, effaith trychinebau naturiol, hunaniaeth genedlaethol a llawer o bethau eraill.
Yr archifau a restrir isod yw’r rhai mwyaf tebygol i fod o ddefnydd ar gyfer prosiectau daearyddiaeth, ond os oes gan eich prosiect ogwydd hanesyddol, byddai’n werth cymryd golwg ar Ganllaw Llyfrgell Hanes sydd â gwefannau ychwanegol.
This link opens in a new windowMae gan Nexis archifau y gellir eu chwilio sy'n cynnwys cannoedd o bapurau newydd a ffynonellau newyddion eraill o nifer o wledydd, gan gynnwys Ffrainc, yr Almaen, yr Eidal, Sbaen, yr Unol Daleithiau a'r Deyrnas Unedig. Mae'n cynnwys testun y rhan fwyaf o'r erthyglau mewn llawer o bapurau newydd o ddechrau'r 1990au hyd at heddiw. Mae'n cynnwys ychydig o bapurau newydd o'r 1970au a'r 1980au.
Mae Archif Hanesyddol y Mirror yn darparu mynediad i destun llawn (ffacsimili tudalen lawn) y Mirror a Sunday Mirror o 1903 i 2000.
Mae Archif The Times yn cynnwys papur newydd The Times yn ei gyfanrwydd, o'i ddechrau ym 1785 hyd at 2019, gan gynnwys erthyglau, ffotograffau, llythyron a hysbysebion.
Box of Broadcasts (BoB) - llyfrgell enfawr o dros 2 filiwn o raglenni teledu a radio a ffilmiau nodwedd sydd wedi'u darlledu gan y BBC, ITV, Ch4, Ch5 a dros 70 o sianeli eraill. Creu rhestri chwarae i wylio yn hwyrach neu olygu clipiau a'u hymgorffori yn eich cyflwyniadau.
Y Swyddfa Ystadegau Gwladol (ONS) yw safle ystadegau swyddogol y Deyrnas Unedig ar gyfer ystadegau iechyd, addysg, materion cymdeithasol, economeg, masnach a llafur, a holl feysydd polisi'r llywodraeth, gan gynnwys Cyfrifiad 2021.
Mae StatsCymru yn wasanaeth ddi-dâl i’w ddefnyddio, sy'n caniatáu i chi weld, defnyddio, creu a lawr lwytho tablau data ar gyfer Cymru.