Mae Hanfodion Llyfrgell MyUni yn cynnwys adran ar ymchwilio. Dilyna’r ddolen isod i ddysgu sut i gynllunio strategaeth chwilio a chynnal dy chwiliad. (Bydd angen i ti fewngofnodi i Canvas i gael y ddolen.)
Dilynwch y ddolen i ymgofrestru ar gyfer Hanfodion Llyfrgell MyUni os nad ydych chi wedi cael mynediad at y cwrs o'r blaen.
Allweddeiriau
Cynyddu nifer y canlyniadau
Lleihau nifer mawr o ganlyniadau
Mae gwerthuso eich ffynonellau yn feirniadol yn elfen hanfodol o unrhyw chwiliad llenyddiaeth. Mae angen i chi ystyried a yw eich ffynonellau'n:
Gofynnwch y cwestiynau canlynol i chi eich hun am yr wybodaeth rydych wedi dod o hyd iddi.
Pwy?
Pryd?
Pa fath o wybodaeth?
Gall Google fod yn offeryn defnyddiol at ddiben dod o hyd i wybodaeth ar-lein. Fodd bynnag, gall fod yn anodd nodi'r ffynonellau mwyaf perthnasol a dibynadwy o wybodaeth o restr o filoedd neu filiynau o ganlyniadau. Peidiwch â chymryd yn ganiataol y bydd y rhai gorau ar frig y rhestr! Bydd y strategaethau canlynol yn eich helpu i chwilio'n fwy effeithiol ar Google.
Defnyddiwch eich allweddeiriau a'r gorchymyn site:url i ddod o hyd i ganlyniadau o un wefan neu grŵp o wefannau. Er enghraifft, bydd chwilio am cyfnod sylfaen site:gov.wales yn dod o hyd i wybodaeth am y Cyfnod Sylfaen o wefan Llywodraeth Cymru. Gallech ddefnyddio site:ac:uk i chwilio gwefannau academaidd.
Defnyddiwch y gorchymyn filetype: i gyfyngu'ch chwiliad i fath penodol o ddogfen. Gall hyn fod yn ddefnyddiol os ydych yn chwilio am fath penodol o wybodaeth. Er enghraifft, os ydych yn meddwl bod dogfennau'r llywodraeth yn fwy tebygol o gael eu cyhoeddi ar ffurf PDF, gallech ddefnyddio filetype:pdf i gyfyngu'ch canlyniadau i ffeiliau PDF a'i gwneud yn haws dod o hyd i'r wybodaeth mae ei hangen arnoch. Mae data rhifiadol yn debygol o ymddangos mewn taenlen, felly gallech ddefnyddio filetype:xls i chwilio am ddogfennau Excel.
Mae Google Scholar yn chwilio llenyddiaeth ysgolheigaidd megis erthyglau mewn cyfnodolion a chrynodebau, ond efallai y bydd yn anodd dod o hyd i destun llawn y deunydd yn eich canlyniadau. Bydd cysylltu'ch cyfrif Google Scholar â Phrifysgol Abertawe yn helpu gyda hyn. Ewch i'r eicon gosodiadau ar frig y sgrin.
Wedyn ewch i Library Links i ddod o hyd i Brifysgol Abertawe.
Er bod Google Scholar yn gallu bod yn ddefnyddiol, mae gan iFind a chronfeydd data pwnc eraill, megis Science Direct, rai manteision allweddol:
Y gallu i nodi erthyglau sydd wedi cael eu hadolygu gan gymheiriaid
Mynediad hawdd i grynodeb o'r erthygl
Mynediad hawdd i'r erthygl lawn, os yw ar gael, heb unrhyw gost ychwanegol.
Dyfyniadau a rhestrau o gyfeiriadau ar gyfer pob erthygl - yn ddefnyddiol ar gyfer ehangu'ch deunydd darllen.
Y gallu i chwilio am destunau cyn eu cyhoeddi.
Y gallu i fod yn fwy trefnus - opsiynau i e-bostio, lawrlwytho ac integreiddio â rheolwyr llyfryddiaeth (fel EndNote).
Canolfan Llwyddiant Academaidd
O help gyda strwythuro ac ysgrifennu aseiniadau, i gefnogi gyda mathemateg ac ystadegau, gall y Ganolfan Llwyddiant Academaidd eich helpu chi. Cliciwch ar y linc isod i ddarganfod mwy am eu gwasanaethau.
Defnyddiwch Sage Research Methods i ddysgu am ddulliau ymchwil gwahanol, dod o hyd i astudiaethau achos a defnyddio adnoddau ystadegol.
Cynnwys
Mynediad at gannoedd o e-lyfrau ar ddulliau a methodoleg ymchwil. Hefyd ceir podlediadau a fideos i esbonio rhai cysyniadau.
Adnoddau
Mae nifer o adnoddau i'ch helpu gyda'ch prosiect ymchwil neu'ch traethawd hir:
Mae adnoddau deallusrwydd artiffisial a all eich helpu gyda'ch ymchwil. Bydd angen i chi ddefnyddio eich doethineb i adolygu'r wybodaeth y mae’r adnoddau’n ei chanfod gan nad yw’r rhain yn ddibynadwy bob amser. Dylid eu defnyddio ochr yn ochr â dulliau mwy traddodiadol o chwilio am wybodaeth yn y llenyddiaeth.
Cofiwch fod yn rhaid i chi ddefnyddio dulliau Deallusrwydd Artiffisial (AI) yn gyfrifol. Fel rheol gyffredinol, dylech ddweud a ydych chi wedi defnyddio AI i helpu gyda'ch ymchwil a sut rydych chi wedi'i ddefnyddio. Ni ddylech ddefnyddio AI i ysgrifennu unrhyw rannau o'ch aseiniad; dylai'r gwaith a gyflwynir fod yn waith gwreiddiol. Gwiriwch am arweiniad ar ddefnyddio AI yn eich llawlyfrau modiwlau a'ch briffiau aseiniadau. Darllenwch bolisi'r Brifysgol ar ddefnyddio AI a Chamymddygiad Academaidd.